عدد المساهمات : 48 نقاط : 109 السٌّمعَة : 1 تاريخ التسجيل : 12/08/2009 العمر : 34
موضوع: قاموس شامي الإثنين أغسطس 17, 2009 6:35 pm
بعد ما نزّل أخي مودي موضوع (القاموس الحلبي)، عجبني قمت دوّرت على شي متلو ولاقيت هاد:
(القاموس الشامي)
شاضومة تعبير مؤنث لا مذكر له فلا يقال {شاضوم} يفيد كون المرأة غير مرتبة وليست من الأكابر وتحب الكلام غير المنمق وكثرته
شرنه (إنظر الشرح في تفسير مصطلح شاضومه)
ملحو على ديلو يعني لا يقيم وزناً للعشرة والخبز والملح
يلي ببالي بالك كناية عن أمر يتعذر ذكره...!
معصمص نحيل بارز العظام
يا إيدكم! تعبير عن الهرب بسرعة من شيء
زمق أي هرب ببراعة وحذق، و(زمط) بنفس المعنى
سرّي مرّي أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)
حط بالخرج أي لا تعبأ بما يقال
على قفا مين يشيل كناية عن كثرة الشيء وشيوعه
مأنّف يعني لا يعجبه العجب ولا الصيام برجب
فش نيعو يعني بدي انتقم منه شر انتقام وهي بالحلبي: يفشر حنكو
أزّت نفسو أي نفر من الشيء نفوراً كأنه رأى صرصوراً
جفص صفة للجلف غليظ الروح
حنتر أي 'تيّس' و'بوزم' في الوقت نفسه
طلع من عيونو عامص يعني دفع ثمناً غالياً وندم على ما نال
كل طلقة براحة و يا قريب أي يقوم بالشيء رويداً رويداً بين الفينة والأخرى
يلي بدو يموت يوصّيك بولادو ذم بصيغة المدح يعني أن المذكور غير أهل لحمل المسؤولية
على كراريت حلقو يعني مصاب بغثيان شديد وإقياء لا يستطيع كبحه لا بحلال ولا بحرام
لا تكرّك عليه يعني لا تلح عليه إصراراً
قلبه عميقول حق بق (كما أن القاف تقرأ ء) يعني أنه يريد أمراً بشدّة لكنه يضمره إضماراً ولا يظهره إظهاراً
لحم السير عالقبقاب وصاروا المبغضين صحاب مبينه وما بدها شرح
يلي بيجي منمدلّه فرشة ويلي ما بيجي منرتاح من وشه مثل نسائي بحت يفيد عدم الترحيب بأشخاص معينين ما عم يجوا أصلاً
شو هالتجرة يعني الأفندي ما عجبته هالحكاية كلها وحاسس إنو تعبو راح أدراج الرياح
وحياة خالقك ماني مفارقك تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك
العين الطرّاءة عبارة عن التمسخر على المتكلم عنه وأن لا شيء فيه بينحسد عليه
بيقطش وبيلحش (يعني المهذار كثير الهفوات ومن يهرف بما لا يعرف ولسانه يسبق عقله)
ولي على كسرتو تعبير يفيد التحسّر على شخص ما مع لومه على ما فعل (في تناقض، ما هيك؟)
كِ ــــــنْ بكسر الكاف وتسكين النون يعني اهدأ أحسنلك
كروج يعني درمل، وبتعبير أفصح افرنقع من هنا، وادحال مثلها
فــز كمان بكسر الفاء يعني قوم
جماش أي همجٌ رعاع مستجحشون
مصطهج يعني مسلطن، مكيّف، مبسوط أو كما قال سيبويه: منتشي
أفـّعت معو يعني حمل القشة التي قصمت ظهر البعير وبلغ السيل الذبى
مو نفعان لا للخل ولا للخردل يعني بلا فائدة تذكر
يتمألس يعني يفتعل السخرية على الآخرين (يتمسخر)
لاطيلو يعني كمن له منتظراً ومنها المتل القائل: 'قلّو لاطيلك قلّو صاحيلك' يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو
ما فيه الوتكة يعني صاغ سليم خالي من العيوب وأحياناً يعني فاضي
ما معو نكله مفلّس وحالو عدم
أول باشتان.....ثاني باشتان طريقة في تعداد الأمور والأوامر والأسباب والمسببات (أولاً ، ثانياً)
بظّت عيونو يعني جحظت العينان حتى كادت المقلتان تخرجان من محجريهما (على طريقة الجاحظ) لما شاف شي عجبو
خسكار كمية من العمل المقرر ليوم واحد أو بضاعة معدّة للبيع ضمن اليوم
من دهنو سئّيلو تعبير يفيد بصرف النقود على الشخص أو الشيء بعد أخذها منه دون التكلف عليه بقرش
ما صرلو بالأصر إلا مبارح العصر يعني أنه جديد على أمر ما وغرّ فيه
ولاد آدو يعني المشكلجية والعونطجية وولادين الحرام
سبرتاكو القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)
قراضة يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول ولا قوة إلا بالله)
متمسح يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)
كل ما حدو بيت السلطان خيلهن بتمد الخنفسة رجلها مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين
اندفس أي: نام أحسنلك، انقبر
تكورت متل تدولق ، فعل يفيد تناول الطعام، وتزهرم مثله أيضاً
من بيت شقاع لبيت رقاع (وهي تقرأ كالعادة: من بيت شآع لبيت رآع) تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة
موضوع: قاموس شامي 
الإثنين أغسطس 17, 2009 6:35 pm
